ഡൂം സ്ക്രോളിങ്ങിന് വിട: നിങ്ങളുടെ ബ്രെയിനിന് ഇതാ ഇന്ററാക്ടീവ് വെബ്സൈറ്റുകൾ

ഡൂം സ്ക്രോളിങ്ങും ബ്രെയിൻ റോട്ടും തുടങ്ങി ഇന്നത്തെ തലമുറയുടെ ശീലങ്ങളെ വിശേഷിപ്പിക്കുന്ന ഇത്തരം വാക്കുകള്‍ കേട്ടു മടുത്തിട്ടുണ്ടാകും. തലയ്ക്കും മനസ്സിന്റെ മൂഡിനും എന്നും റീൽസും മീമുകളും മാത്രമാക്കാതെ കുറച്ചു എന്റർടെയ്നിങ്ങായ വ്യത്യസ്ത കാര്യങ്ങൾ ചെയ്തും ഫീഡ് ചെയ്യാമെന്നേ. റിലാക്സേഷനും പഠിക്കുകയാണെന്ന് അറിയാതെ പുതിയതൊക്കെ പഠിക്കുകയും, സംഗീതവും കലയുമെല്ലാം ആസ്വദിക്കുകയുമെല്ലാം ചെയ്യാം.

അതിനായി ഇന്ററാക്ടീവ് വെബ്സൈറ്റുകളും ഗെയ്മിഫൈഡ് എക്സ്പീരിയൻസ് നൽകുന്ന വെബ്സൈറ്റുകളും നിരവധിയുണ്ട്. വ്യത്യസ്ത സ്ഥലങ്ങളിൽനിന്നുള്ള ലൈവ് സ്ട്രീം വിഡിയോകൾ കണ്ടും എൻജോയ് ചെയ്യാൻ പറ്റുന്ന വെബസൈറ്റുകളുണ്ട്. ഇവയെല്ലാം ഡിജിറ്റൽ ലോകത്തെ കൂടുതൽ ആകർഷകമാക്കുന്നവയാണ്.

എന്നാൽ, അങ്ങനത്തെ കുറച്ചു സൈറ്റുകൾ പരിചയപ്പെട്ടാലോ? കമോൺ…..

The Useless Web:

ഒരു ബട്ടൺ അമർത്തുമ്പോൾ യാതൊരു ഉപയോഗവുമില്ലാത്തതും പക്ഷേ രസകരവുമായ മറ്റു വെബ്സൈറ്റുകളിലേക്ക് നമ്മെ കൊണ്ടുപോകുന്നു. ഗെയിം ആകാം, പസിൽ ആകാം… അങ്ങനെ എന്തുമാകാം ഒരോ തവണ തുറന്നുവരുന്ന വെബ്സൈറ്റിൽ. ഇത് സമയതടസമില്ലാതെ ചിരിക്കാനും ആശ്ചര്യപ്പെട്ട് കളിക്കാനും സഹായിക്കുന്ന ഒരു വിനോദാനുഭവമാണ്.

Window Swap:

ലോകത്തിന്റെ വിവിധ ഭാഗങ്ങളിലുള്ള ആളുകൾ അവരുടെ മുറിയിൽ നിന്നുള്ള ജനൽ തുറന്നാൽ കാണുന്ന കാഴ്ചകൾ അപ്ലോഡ് ചെയ്തിട്ടുണ്ടാകും. ഉപയോക്താവിന് ഒരു ക്ലിക്കിലൂടെ ലോകത്തിന്റെ മറ്റൊരു ഭാഗത്തെ പ്രകൃതി, നഗര ദൃശ്യം എന്നിവ ഇതിലൂടെ അനുഭവിക്കാൻ സാധിക്കുന്നു. യാത്ര ചെയ്യാനാവാത്ത സാഹചര്യങ്ങളിൽ പോലും, ലോകം നമ്മളിലേക്ക് എത്തിക്കുന്ന ഒരു മനോഹര ആശയമാണ് ഇത്.

Blob Opera:

Google Arts & Culture അവതരിപ്പിച്ച Blob Opera, സംഗീതവും ആർട്ടിഫിഷ്യൽ ഇന്റലിജൻസും ഒന്നിക്കുന്ന ഒരു മികച്ച ഇന്ററാക്ടീവ് സൈറ്റാണ്. നിറമുള്ള ബ്ലോബുകളെ നീക്കിയാൽ അവ വ്യത്യസ്ത ശബ്ദങ്ങളിൽ അഥവാ പിച്ചുകളിൽ പാടുന്നത് കേൾക്കാം. സംഗീതത്തിൽ അറിവില്ലാത്തവർക്കുപോലും ഇത് ഉപയോഗിച്ച് ഒരു ചെറിയ ഓപ്പറ സൃഷ്ടിക്കാം.

Zoom Quilt:

ഇത് ഒരിക്കലും അവസാനിക്കാത്ത പോലെ തോന്നിക്കുന്ന, തുടർച്ചയായി സൂം ചെയ്യ്ത് പോകാവുന്ന ഒരു ആർട്ട് പീസ് ആണ്. ഓരോ ഫ്രെയിമും അടുത്തതിലേക്ക് ലയിക്കുന്ന തരത്തിൽ ഡിസൈൻ ചെയ്തിരിക്കുന്നതിനാൽ, ഉപയോക്താവ് ഒരു അനന്ത യാത്രയിൽ ആണെന്നു തോന്നും.

Patatap:

കീബോർഡിലെ ഓരോ കീയുമായി ബന്ധിപ്പിച്ച ശബ്ദങ്ങളും ദൃശ്യങ്ങളും ചേർത്ത് ഒരു ഓഡിയോ-വിഷ്വൽ അനുഭവം നൽകുന്ന വെബ്സൈറ്റാണിത്. ഓരോ കീ അമർത്തുമ്പോഴും ഒരു പുതിയ ശബ്ദവും സ്ക്രീനിൽ പാറ്റേണും തെളിയുന്നു.

Weave Silk aka Silk:

ഉപയോക്താക്കളെ ഡിജിറ്റൽ ആർട്ടിസ്റ്റുകളാക്കി മാറ്റുന്ന അനുഭവം നൽകുന്ന മനോഹരമായ ഇന്ററാക്ടീവ് വെബ്സൈറ്റാണിത്. ഈ സൈറ്റിൽ, നിങ്ങൾ മൗസ് അല്ലെങ്കിൽ ടച്ച്സ്ക്രീൻ ഉപയോഗിച്ച് വരയ്ക്കുന്ന ഓരോ രേഖയും സിമട്രിക്കായി സ്വയം ആവർത്തിക്കപ്പെടുകയും അതിലൂടെ ആകർഷകമായ പാറ്റേണുകൾ രൂപപ്പെടുകയും ചെയ്യുന്നു.

Article Tags: