അച്ഛന്റെ ഓർമ്മകളിലേക്ക് ഒരു സംഗീതയാത്ര: കേൾക്കാം ചില മലയാളം ഗാനങ്ങൾ

അച്ഛനും മക്കളും തമ്മിലുള്ള ബന്ധത്തെക്കുറിച്ചും കുടുംബജീവിതത്തെക്കുറിച്ചും മലയാള സിനിമ എക്കാലവും പ്രത്യേക ശ്രദ്ധ നൽകിയിട്ടുണ്ട്. സ്നേഹവും സൗഹൃദവും കരുതലും മാത്രമല്ല, അകൽച്ചയും വിരഹവും നഷ്ടബോധവും വരെ അച്ഛൻ എന്ന കഥാപാത്രത്തിലൂടെ മലയാള സിനിമ വരച്ചുകാട്ടിയിട്ടുണ്ട്. അതുപോലെ തന്നെ, ഈ ബന്ധങ്ങളുടെ പല അടരുകളും പാട്ടുകളിലൂടെയും മലയാള സിനിമ അനശ്വരമാക്കിയിട്ടുണ്ട്.

ഒരു അച്ഛന്റെയോ ഒരു കുടുംബത്തിന്റെയോ ജീവിതത്തിലെ മിക്ക വികാരങ്ങൾക്കും മലയാള സിനിമയിൽ ഒരു പാട്ടെങ്കിലും കണ്ടെത്താനാകും. ഓരോ ഭാവത്തിനും ഓരോ ഈണങ്ങൾ!

ഈ വർഷം ലോക സംഗീത ദിനവും (World Music Day) ഫാദേഴ്സ് ഡേയും (Father’s Day) ഒരേ ദിവസമാണ് എത്തുന്നത്. സംഗീതവും ഓർമ്മകളും ഒരുപോലെ ആഘോഷിക്കാൻ ഇതിലും മനോഹരമായൊരു അവസരം വേറെയുണ്ടാകില്ല.

ഈ ദിവസം അച്ഛനെ ഓർമ്മിക്കാനോ, അദ്ദേഹത്തോടൊപ്പം ഒരു നിമിഷം പങ്കിടാനോ, അല്ലെങ്കിൽ പഴയ ഓർമ്മകളിലേക്ക് ഒന്നു മടങ്ങിപ്പോകാനോ നിങ്ങളെ പ്രേരിപ്പിക്കുന്ന ചില ഗാനങ്ങൾ കേൾക്കാം. ഇന്ന് മാത്രമല്ല, ഏത് ദിവസവും അച്ഛന്റെ ഓർമ്മകളിലേക്ക് കൂട്ടിക്കൊണ്ടുപോകാൻ കഴിയുന്ന ചില മലയാളം പ്ലേലിസ്റ്റുകൾ ഇതാ.

Playlist 1: സ്നേഹവും കരുതലും

ഒരു കുടുംബത്തിന്റെ താങ്ങും തണലുമായി നിൽക്കുന്ന അച്ഛനെ മലയാള സിനിമ പല രീതിയിൽ അവതരിപ്പിച്ചിട്ടുണ്ട്. മക്കളോടുള്ള വാത്സല്യവും കുടുംബത്തിനുവേണ്ടിയുള്ള ത്യാഗങ്ങളും അച്ഛന്റെ നിശബ്ദമായ സ്നേഹവും വരികളിലും ഈണത്തിലും നിറഞ്ഞ ചില ഗാനങ്ങൾ.

🎵 Valinmel Poovum/Thaalamayanju – Pavithram
🎵 Alliyilam Poovo – Mangalam Nerunnu
🎵 Aalila Manchalil – Sooryagayathri
🎵 Annarakkanna Vaa – Bhramaram
🎵 Nira Thinkale – My Big Father

🎵 Kanmaniye – Mili
🎵 Ennomal Nidhiyalle – Kaaval
🎵 Aakasha Palakombathu – Aakashamittayee
🎵 Minungum Minnaminunge – Oppam
🎵 Vannu Pokum – Bro Daddy

Playlist 2: കൂളായി വൈബ് ചെയ്യാൻ

അച്ഛനുമായുള്ള എല്ലാ ഓർമ്മകളും വൈകാരികമാകണമെന്നില്ല. ചിലത് ചിരിയും കളിയും യാത്രകളും ആഘോഷങ്ങളും നിറഞ്ഞവയാണ്. അച്ഛൻ ഒരു സുഹൃത്തായി മാറുന്ന നിമിഷങ്ങൾ ഓർക്കാനും ഒരുമിച്ച് പാടി ആസ്വദിക്കാനുമുള്ള ഏതാനും ഗാനങ്ങൾ.

🎵 Chella Katte Chollu – Kochu Kochu Santhoshangal
🎵 Kunukku Penmaniye – Mr. Butler
🎵 Chendaykkoru Kolundeda – Manassinakkare

🎵 Thakkudu Kutta – Pattanathil Sundaran
🎵 Thappo Thappo – Ente Veedum Appoontem
🎵 Kadhayoravarthanam – Daddy Cool

Playlist 3: ഓർമ്മകളിലേക്ക്

ചില ഗാനങ്ങൾ കേൾക്കുമ്പോൾ അച്ഛനെ ഓർത്ത് കണ്ണുകൾ നനയും. ചിലത് ബാല്യകാല ഓർമ്മകളിലേക്ക് തിരികെ കൊണ്ടുപോകും. ചിലത് നഷ്ടപ്പെട്ട സാന്നിധ്യത്തിന്റെ വേദനയെ വീണ്ടും അനുഭവിപ്പിക്കും. അകന്നുപോയ അച്ഛനെ ഓർക്കാനോ പഴയ ഓർമ്മകളെ തൊട്ടുണർത്താനോ ഈ പാട്ടുകൾക്ക് ഒരു പ്രത്യേക മാജിക്കുണ്ട്.

🎵 Mozhiyazhakum – Kalippaattam
🎵 Innale Ente Nenjile – Balettan
🎵 Kadalolam – Minnaminnikkoottam

🎵 Ilam Neela Mizhikal – Laptop
🎵 Kunje Ninakku Vendi – Kaazhcha
🎵 Kadha Thudarum – Thudarum

അച്ഛന്റെ ജന്മദിനത്തിനും…

പ്രത്യേക പ്ലേലിസ്റ്റായിട്ടല്ലെങ്കിലും, അച്ഛന്റെ ജീവിതത്തെയും സാന്നിധ്യത്തെയും ആഘോഷിക്കാൻ മലയാള സിനിമ സമ്മാനിച്ച രണ്ട് മനോഹര ഗാനങ്ങൾ കൂടി:

🎵 Oru Kodi Mangalam – Rashtram
🎵 Thekkan Kaatte – Ezhupunna Tharakan

ഓർമ്മകൾ പലപ്പോഴും പാട്ടുകളിൽ ജീവിക്കാറുണ്ട്. കാരണം ചില ബന്ധങ്ങൾ വാക്കുകളേക്കാൾ മനോഹരമായി സംഗീതത്തിലാണ് ജീവിക്കുന്നത്.